*1344...Shehar Tanhai...Pak Old...By Mis Nahem*
Raat k hath liye yadoon k nashtir "Nami "
Kitney hi zakham merey dil pe laga detey hain
Chand lamhey meri tanhai k merey dil ko
Kitney hi betey samhey yaad dela detey hain
Shehar tanhai basa letey hain ham jaisey loog
Dil k armanoon ko kyun zahir pela detey hain
Kitney sangdil hain soney bhi naheen detey muj ko
Aankh lagti hai toh zangeer hela detey hain
Pahley toh aankhoon main bas jatey hain apnon ki tarha
Ban k phir gair hameen dil se bhula detey hain
Ajnabhi ban k guzar jatey hain ruktey bhi naheen
Janey kis jurm ki yeh loog saza detey hain
Dhoun kar latey hain phir tuj ko khayaloon main sanam
Phir haseen lamhoon sey yadoon ko saja detey hain
No comments:
Post a Comment