..::VU-Pink::.. Chalo Ik Baar Chaltay Hain

Kabhi bay simt ruston per chalo ik bar chaltay hain

Dikhai day koi manzil chalo ik bar chaltay hain

Yahan thum saa gaya hay waqt howa kya hay khuda janay

Jahan gardish main ho dunya chalo ik bar chaltay hain

Yohien daamun bechaaye intezaar-e-ghum main kya rehna

Kehien bay chain lumhon main chalo ik bar chaltay hain

Budal kar daikh laitay hein hum apni zeest ka mausum

Jahan mausum budaltay hon chalo ik bar chaltay hain

Sunna hay kooch karnay say budal jaati hein taqdeerein

Yaqeen rukhtay howay dil main chalo ik bar chaltay hain

Saja kar rakh leye hein dard jo hum nay naseebon main

Kisi goher-e-shifa k paas chalo ik bar chaltay hain

Saza ka ore jaza ka moamla chhordo ab jaanay dau

Jahan na khatm hon sudyaan chalo ik bar chaltay hain

Tumhain koe ozer na ho tau, ye shaukat ko bata daina

Wafa ka imtehaan hay ye chalo ik bar chaltay hain

--

                                           

                         

                           

  VU Club

             

--
...:::Group Rules:::...
http://groups.google.com.pk/group/vu-pink/web/group-rules
^^^^^^
You received this message because you are subscribed to the Google
Groups "vu pink" group.
To post to this group, send email to vu-pink@googlegroups.com
To unsubscribe from this group, send email to
vu-pink+unsubscribe@googlegroups.com
For more options, visit this group at
http://groups.google.com.pk/group/vu-pink?hl=en